Video
Read full review
2022-09-01
1892 views
之前聽朋友介紹觀塘熟食市場有一間隱世嘅日式小店，今日有時間終於可以去試一試！我同女朋友6點半就到左，啱啱好佢哋落完場做到第一枱客人🤭，店入面坐位唔多，但間距足夠所以坐得好舒服，而今次我哋就嗌左個二人前套餐，只係$188相當抵食！精選二人前晚餐 - $188二人前晚餐包含前菜沙律味噌湯同主食，前菜我哋就揀左日本牛肉薯餅同唐揚炸雞，主食就揀左咖哩吉列豬扒同鹽燒牛舌，吉列豬扒味道唔錯，可惜略為有啲炸得太乾，而鹽燒牛舌就比我想像之中出色，牛舌有咬勁得黎又唔會太韌，鹽燒味道香口惹味，十分出色，以呢個價錢黎講，整體我都好滿意！希望香港可以保留多啲呢類型小店，大家有機會都要多多支持阿 ！
我同女朋友6點半就到左，啱啱好佢哋落完場做到第一枱客人🤭，店入面坐位唔多，但間距足夠所以坐得好舒服，而今次我哋就嗌左個二人前套餐，只係$188相當抵食！
精選二人前晚餐 - $188
二人前晚餐包含前菜沙律味噌湯同主食，前菜我哋就揀左日本牛肉薯餅同唐揚炸雞，主食就揀左咖哩吉列豬扒同鹽燒牛舌，吉列豬扒味道唔錯，可惜略為有啲炸得太乾，而鹽燒牛舌就比我想像之中出色，牛舌有咬勁得黎又唔會太韌，鹽燒味道香口惹味，十分出色，以呢個價錢黎講，整體我都好滿意！
希望香港可以保留多啲呢類型小店，大家有機會都要多多支持阿 ！
Post
