芯 (Closed)

同朋友黎左呢度食lunch，每人都各自點左一個set，份量都夠晒大，不過串燒就略嫌普通咗啲。照燒雞扒丼（$65）超大碗雞扒丼🙀煎雞扒成個手掌咁大咁厚，滿滿既蛋白質😂雞皮都煎得好脆，上面淋滿咗照燒汁，撈埋下面嘅珍珠米超惹味，仲送左個前菜係我好鍾意食既中華沙律溝冷麵，食完個飯就會上一碗麵豉湯，成個set都幾抵。鐵板燒安格斯肉眼便當 （$98）呢個係用個木盒便當裝住，成個presentation幾靚，一個盒係放牛肉同飯，另一個係薯仔沙律🥗份量都好大。串燒拼盤（$88）拼盤有牛舌、雞肉、豬肉同牛肉，牛舌係最好食，超級厚身，食落啖啖肉同埋充滿油香，其他就普通質素。