但馬屋 (新都會廣場)

Open Now

Now Closed

今晚收左工之後同朋友去左葵廣行陣街睇野, 行完之後就去左新都會睇下有咩野食, 經過見到但馬屋幾多人食, 於是就去試下!! 餐廳提供唔同嘅套餐放題, 仲有多款湯底選擇, 一人一鍋自己中意食咩都得! 我地就揀左北海道夢之大地豚套餐! 套餐包左牛同豬, 而其他配料, 飲品, 甜品都係自助的, 食材新鮮, 而且refill得好快! 🌟出面自助區擺有各種秋季當造蔬果, 新鮮又美味!🌟除左有汽水果汁茶之外, 仲有消濟去膩嘅桂花烏龍茶同清甜滋潤嘅蘋果雪梨茶🌟美肌鍋其實係雞白鍋嚟, 湯汁味道濃郁, 含豐富骨膠原🌟千夜鍋日式昆布湯底, 清清地帶微咸, 味道不錯🌟套餐包有北海道夢之大地豚肉, 丹麥豚, 美國嚴選牛同澳洲產穀飼牛, 肉片夠薄切, 所以擺落濃郁嘅美肌鍋會好吸湯, 夢之大地豚果然特別好味, 色澤紅潤帶油花, 食落肥瘦適中! 穀飼牛肉味濃郁, 口感鮮嫩, 味道不錯!🌟甜品方面有多款口味嘅雪糕任你食任你裝!