燒肉酒場 (Closed)

今次食lunch就搵到呢間係永光中心10樓既『燒肉酒場』。上到去先知，呢間日式燒肉係主打成吉思汗燒肉，之前從來未試過。上網search下資料，成吉思汗燒肉原來係源自北海道，而且特式係食羊肉。對於中意食羊既我，就真係啱晒喇。由於我咩都想試啲，所以就叫左：蒙古羊卷肉，蒙古羊架，羊湯烏冬，壺漬牛肋條，伊比利亞梅頭扒，仲有一份雞軟骨小食，另外仲叫左支信州蘋果梳打添。先講羊既部分，羊卷肉夠晒酥味，加埋佢特製既『成吉思汗粉』一齊食，更加好味。（成吉思汗粉有少少似孜然粉，不過就無咁重味，無咁容易覺得口喝）。羊架都係好唔錯（好似加左成吉思汗粉就咩都好食啲咁😂），不過要提下大家，燒既時候要確保夠熟，因為羊架肉比較厚。跟住就到羊湯烏冬，呢個菜式都係第一次試，個湯飲落令我聯想起糊椒豬肚湯，可能因為落左黑椒同有羊酥味既關係啦，不過的確係值得一試既。跟住就到壺漬牛肋條，呢個又係好唔錯，食落啲醬汁係會令你食唔停口。而我覺得全餐既精選就一定係呢牌梅頭扒，佢食落好稔，而且肉味好夠。如果再食，呢個一定要encore。