吉豚屋吉列豬扒專門店

Open Now

Now Closed

炮台山想食日本野真係唔係咁多選擇，茶餐廳實在係周圍都有，所以今日無意中發現呢間吉豚屋既時候真係好興奮，可以用好抵既價錢食到日式野。最好彩既係午餐時間都唔洗等位！！！餐廳有多款炸物套餐選擇，最平既4~50蚊有交易。不過最抵係而家做緊特價既套餐，包括滑旦豬扒飯（梅）＋野菜豚肉湯（大）＋飲品都只係$59!呢間餐廳最抵讚既係豚肉湯，因為湯真係好足料，入面有多塊豚肉、紅蘿蔔片、白蘿蔔片仲有薯仔等煮成，味道鮮甜。主角既滑旦豬扒飯亦保持到水準，豬扒唔會太軟而加左旦之後好香，飯上仲有洋蔥同豬扒汁，好惹味，三兩下就可以食曬！