Video
Read full review
2019-04-23
158 views
晚餐俾佢個價錢吸引左，望落相當抵食，一於就試一試佢(月尾係要食得慳啲)！每個餐都配一碟餐前小食同面豉湯，唔要面豉湯亦可以加幾蚊轉餐茶！日式麻婆豆腐飯，其實同中式個汁係有少少唔同，感覺上冇咁油,健康啲，但食物味道一啲都唔執輸，辣辣地好惹味，飯粒香軟豆腐滑嘟嘟日式咖喱漢堡扒蛋包飯，咖喱汁好出色，香得黎一啲都唔辣，唔食得辣嘅人士都可以食！蛋包飯雞蛋香滑，漢堡扒淋淋地都幾好味。餐前店員仲會主動提供小麥茶，好飲，店員效率亦好快，舉手refill轉個頭就到地方亦寬敞乾淨！一定會encore!!!而且仲有好多小食，如果唔係下午茶食咗南x驚食唔晒，一定會試一試，見到檯檯都食點煎餃，真係好吸引呀，可惜肚皮唔爭氣！最後，佢仲有得儲印花㗎，儲夠六個印花就已經有$30優惠券，尼餐簡簡單單都已經儲到3個
日式麻婆豆腐飯，其實同中式個汁係有少少唔同，感覺上冇咁油,健康啲，但食物味道一啲都唔執輸，辣辣地好惹味，飯粒香軟豆腐滑嘟嘟
日式咖喱漢堡扒蛋包飯，咖喱汁好出色，香得黎一啲都唔辣，唔食得辣嘅人士都可以食！蛋包飯雞蛋香滑，漢堡扒淋淋地都幾好味。
餐前店員仲會主動提供小麥茶，好飲，店員效率亦好快，舉手refill轉個頭就到地方亦寬敞乾淨！一定會encore!!!
而且仲有好多小食，如果唔係下午茶食咗南x驚食唔晒，一定會試一試，見到檯檯都食點煎餃，真係好吸引呀，可惜肚皮唔爭氣！
最後，佢仲有得儲印花㗎，儲夠六個印花就已經有$30優惠券，尼餐簡簡單單都已經儲到3個
Post
