東京築地拉麵 (Closed)

去開旺角行街，晚餐想食日本野但又唔想食得太貴，所以今日就嚟咗呢間日式餐廳食飯。近排天氣實在太熱啦，就唔係好想食咁多熱辣辣嘅拉麵，好彩餐廳都有其他飯類選擇。入邊地方唔算大，但啲座位都幾寛敞，我哋一行兩人叫咗個純情豚肉生薑燒丼、築地大盛牛丼同埋個蒜味牛柳粒。-純情豚肉生薑燒丼唔知道個豚肉有幾純情啦😂原來係用咗岩手縣嘅純情豬，食落味道又真係唔錯喎，豚肉肥瘦適中，生薑味道幾入味，好食。-築地大盛牛丼牛肉片係和風嘅味道，配埋洋蔥一齊食，好襯。飯上嘅半熟蛋有流心嘅感覺，而且醬油味好入味。雖然都係大路嘢，但整體都不錯。-蒜味牛柳粒牛柳粒肉質軟稔，加上脆炸蒜粒同埋芝麻，層次豐富。-飲品方面，我哋點左蘆薈提子梳打冰同埋和歌山紀洲梅子梳打冰。提子梳打嘅漸變色好吸引，仲有粒粒果肉喺入邊，口感豐富。梅子梳打冰飲落好有梅味，上面仲有一粒梅子作點綴，賣相吸引。