Video
Exit E1, Mong Kok MTR Station/ Exit B, Mong Kok East MTR Station
continue reading
Opening Hours
Mon - Sun
11:30 - 23:00
Above information is for reference only. Please check details with the restaurant.
Recommended Dishes
-
綠魅拉麵
-
泡菜餃子雞翼
-
特上大盛拉麵
-
黑鬼濃厚豚骨湯叉燒拉麵
-
三文魚刺身+18
Signature Dishes
這間掛著紅燈籠的東京築地食堂吸引了我和男友，今晚就想試試這裡的拉麵及沾麵！餐廳裝修簡潔，充滿著日式的裝修，光猛整齊。我們點了2款麵，一份小食和2杯飲品試試~！魚介沾麵裡面有竹筍、紫菜、唐心蛋半隻、炸腩肉2件…等，沾麵的魚介湯底另上。竹筍有2件，較嫩。溏心蛋那橙紅的顏色，份外的搶眼，流心的蛋黃，口感香濃軟滑。腩肉炸得外表金黃，切得夠厚，稍嫌肥少少，入口腍中帶油香。魚介湯底原來是用鮮魚熬出來的湯底，非常濃郁。沾面口感特別的厚身煙韌，乾身的面條，沾上魚介濃湯，有口感又美味。黃金濃厚豚骨湯叉燒拉麵，裡面有2件叉燒、木耳絲、溏心蛋半隻及面上洒上少少白芝麻…。叉燒切得較大件，啖啖肉，油脂超級香口，入口即溶。黃金濃厚豚骨湯，湯底也是很濃郁，面條相對沾面稍為腍身少少，但也是口感帶煙軔，配著濃湯一口麵一口湯，好滿足啊~~青綠的海鹽枝豆，腍中帶點爽，非常香豆味，一邊傾計一邊用手Chill住食，食得非常開心呢~~飲品方面我們點了和歌山紀洲梅子梳打冰和蘆薈提子梳打冰，和歌山紀州梅子皮薄，肉厚核小，柔軟多汁，冰冰涼涼，酸酸甜甜，夏天喝一流啊~~蘆薈提子梳打冰同樣好清新，蘆薈為飲品增加不少口感，好正呢~~！⬖★店名：東京築地拉麵★地址：旺角彌敦道639號雅蘭中心地庫B102號舖
continue reading
星期六外出到旺角辦事遇上大雨，於是到雅蘭中心地庫的東京築地拉麵吃午餐，入店先要量體溫，枱與枱之間有膠片分隔。週末午市定食有6個選擇，供應時間由11:30-5:00，分別有沾麵及湯拉麵選擇，我點了赤神濃厚豚骨湯叉燒拉麵，及追加餃子，赤神拉麵也很辣，拉麵有一片紫菜、半隻糖心蛋及叉燒，叉燒肥糕十分多，大約一半要咬出來，麵的軟硬度適中，糖心蛋入味。餃子一客有五隻，香脆多汁好味。店內座位舒適，店員服務有禮。
continue reading
一年前食過一次，覺得幾好食，琴日再去食發現質素差左，叫左一碗牛肉飯$60，但牛肉好乾，冇汁，一般般，另外叫左一碗魚介沾麵$90，料就好足，有兩大舊五花腩，魚介汁都好香，鹹左少少，同埋太結，似魚介醬多d，成餐都偏貴，性價比一般，應該唔會再食。
continue reading
朋友相約食飯，俾咗個地址我，以為係雅蘭中心落去地庫，點知搵嚟搵去都搵唔到，問保安先知原來要喺山東街嗰邊入口落去。近來啲食肆都靜英英，今晚都唔例外，不過反而可以慢慢坐慢慢傾幾好。望吓餐牌，比呢個「爐端厚燒鰻魚丼」（ $78 ）吸引咗，佢寫住特厚同埋即燒，好想食呢！用一個靚靚嘅便當盒載住，條鰻魚果然夠厚夠大，肉質唔錯，仲好鍾意佢啲鰻魚汁添！面頭有芝麻，個底有好多蛋絲，不錯不錯！朋友就叫咗一個「味自慢叉燒拉麵」（ $64 ），我本身唔明乜嘢叫「味自慢」，而家就明白原來係日文裏面意思係「為味道而驕傲」，朋友話呢個拉麵味道來講都係唔錯嘅，麵質和湯底都好滿意，不過得兩舊五花腩就少咗啲。我哋都share叫咗醬油雞翼， $38有六支單骨，醬油味都幾重，但唔係豉油反而係甜甜地嘅味道，雞翼就炸過的。想慢慢傾偈當然要叫多兩杯飲品啦，我試咗「和歌山紀洲梅子梳打冰」（ $24 ），真係有粒梅喺面頭，好靚㗎，味道就酸酸甜甜，好似真係飲緊話梅味咁囉。朋友嗰杯蘆薈提子梳打冰似乎都唔錯呢！
continue reading
好耐無出旺角，今日出嚟食餐便飯順便行吓，呢間東京築地拉麵喺地牢下面，食物款式唔算好多，專注做好幾款。叫了「濃厚雞白湯拉麵」（$83），我理解佢係話用12個鐘來淆湯，第一時間當然試吓個湯底，又真係幾濃味，唔錯！幾件雞肉都幾滑，拉麵質感剛好，仲有溏心蛋和紫菜添！另外朋友點了「日式滑蛋吉列豬扒丼」（$56），滑蛋同豬扒份量都幾多喎，我試咗舊豬扒，厚身得黎又鬆軟，只是吉列層俾啲汁整淋左。我哋亦叫咗個日式煎餃子（$38 /5隻），菜肉餡，表面都煎得香脆。日本柚子冰和蘆薈提子梳打冰（$24）都幾大杯，記得搞勻飲，喜歡後者有蘆薈粒粒有咬口。
continue reading