築地日本料理 (結志街) (Closed)

黎到呢間餐廳好似去左日本咁，入面用左好多日本舊電影海報做裝飾，好有心好特別! 座位都坐得好舒服。前菜叫左日式胡麻野菜冷豆腐，豆腐上面有D木魚碎，胡麻醬好香，食落好開胃。叫左個三文魚反卷，上面仲有三文魚籽，入面係牛油果，食落好fresh，感覺呢到既食材都好新鮮。鹽燒油甘魚鮫煎到好香，魚皮仲有少少脆，就咁單食魚肉已經好鮮甜。天婦羅盛都出色，最鐘意係天婦羅蝦，蝦肉好彈牙! 炸日本紫薯餅表面炸到好酥脆，入面除左紫薯仲有栗子粒，紫薯味好突出，甜甜地。日式冷烏冬係扁身幼烏冬，係煙韌個款。呢到cp值真係幾唔錯。