小豆島日本料理 (Closed)

次次喺天水圍都悶到唔知食咩好，見到呢間日本料理做緊單點壽司或刺身有半價優惠，好似幾抵！（只限星期一至五晚市時段）見到半價就忍唔住嗌多啲刺身同壽司，有surprise到！首先三文魚腩刺身勁厚切～帶子同甜蝦都好鮮甜四款刺身半價後都係一百三十左右！壽司質素都唔錯～有幾款唔錯mark低下次再嚟食-六吋長三文魚 食完完全滿足我對三文魚嘅渴求-吉列炸蝦 係即炸嘅 最遲先嚟 即刻食返件熱辣辣嘅好正-火炙左口魚邊 食親壽司必嗌 入口即融！其他都好新鮮又多選擇 半價後簡直係超抵食！