八海山

Open Now

Now Closed

今日又去尖沙咀搵食，經過寶勒巷附近，發現左呢間隱世居酒屋。門口唔算好突出，入面裝修以木系為主，店內擺滿各式各樣既酒，餐廳座位都好闊落。店員都好殷勤，主拎熱毛巾比你消毒。嚟到居酒屋點可以唔叫清酒，要左八海山同餐廳名一樣，入口香純，散發陣陣米酒香，容易入口。店員推介季節限定嘅秋刀魚刺身，屬日本飛機貨，寧舍有鮮味，值得推介。再要唔同小食，蟹籽沙律、燒雞浦魚乾，呢個燒得好香脆，香氣撲鼻，令人流哂口水。另一推介係忌廉蟹肉薯餅，呢個超級好食，新鮮炸起，餡料好飽滿，啖啖忌廉配有粟米同蟹肉，超有驚喜！炸粉份量恰到好處，夠哂薄脆！我地再點左個燒雞蛋卷，有蛋香味，如果做到流心效果更吸引！主食特別試左比較特別既冷梅麵，估唔到份量咁多，夠哂二人食，面麵質真係食到啖啖清新既梅子味！整體超水準，價錢相宜，抵食！