夢工房西日料理 (Closed)

終於等到星期四，放工約埋朋友一齊去食日本放題，同朋友好耐冇見，一路食，一路傾偈係最好嘅選擇。落單係用自己電話落嘅，一開始梗係叫刺身，各樣嘅炸物。上菜上得超級快，好似一落完單轉個頭就即刻送來。 我哋樣樣野都試啲，質素唔錯，好快就叫第2 round. 我特別鍾意炸榴槤，唔係度度都食到㗎。黑松露帶子壽司同埋赤燒三文魚壽司，都幾有水準！ 羊架同西冷扒都冇令人失望。當然唔可以唔記得留肚食雪糕甜品啦！ 我哋一人叫咗一個海鹽雪糕，原來係香港製造嘅。再出去一人攞咗一支雪條，但我仲未夠，試埋佢個藍莓芝士蛋糕，滿足晒。