村上居酒屋 (Closed)

昨晚去旺角shopping ,買到一半發現好肚餓，於是先暫停一下，先去醫飽肚子，之後再繼續。砵蘭街KFC附近原來新開咗間日式料理居酒屋，終於跟老公入去試下先。餐廳裝修都幾精緻舒服。餐牌選擇多，而且仲有而家香港大熱嘅魚生丼。白桃梳打白桃味香甜又濃味，桃味勁正！燒鱈魚干鱈魚干烤過之後好香炭燒味，咬落脆口，沾上少少沙律醬同吃，更加帶出鱈魚鮮香味。秋刀魚刺身時令刺身，8-10月左右係當造期，刺身切身小件，食落好有咬口，魚肉嫩滑，沾上少少薑蔥豉油，更加滋味。食完之後，餐廳將魚骨酥炸成香口小食，炸過嘅魚骨咬落酥脆香口，非常惹味。手羽先烤到金黃色嘅外皮，入口香脆，內裏雞肉嫩滑多汁，加上少少檸檸汁，更添香味。牛油炒蘆筍牛油香氣十足，蘆筍新鮮香甜，水份十足，非常鮮嫩。沙律菜食落爽脆，加少少芝麻醬調味，好惹味喔！海膽炒飯炒飯夠乾身，而且飯粒飽滿，蛋味香濃，加上蟹籽，海膽一齊炒，海鮮味十足，海膽味甘香鮮甜，堅正！估唔到餐廳食物好有水準，而且員工非常有禮，態度親切。