鐵堂 (Closed)

今日同朋友相約食lunch 發現附近新開左一間日式嘅鐵板燒，所以特別去睇下有咩好食😋餐廳裝修都幾闊落，似日式嘅小店🤩睇下餐牌入面有唔少抵食嘅午市套餐😍都幾特別，以金，銀，銅，鐵命名🤭🌺銀套餐有前菜有芥末八爪魚，炸物有黑松露吉列炸蝦，雞皮餃子，主食紅酒牛肋肉配月見飯☺️炸蝦一咬落去已經勁脆同埋個蝦都幾大隻😍紅酒牛肋肉份量都多，食落有香香嘅紅酒味🤓配埋月見飯一齊食，好滿足🥰🌺鐵套餐有前菜係枝豆，炸物有蟹肉薯餅，雞皮餃子，主食牛肉壽喜燒☺️牛肉壽喜燒入面好多蔬菜，上面係滿滿嘅牛肉，食落好香牛味又唔會太肥，份量剛好😊