千賀水產 (Closed)

今日同家姐入元朗大棠活動。活動後到元朗搵食。但元朗唔係太熟路，行行吓見到千賀水產。$168+10%任食磯燒海鮮及刺身……日本放題食物。仲有任飲啤酒及其他飲品甜品。都好吸引。所以就入去試試。由於我地差不多2:00才到。職員就講明2:45截單，但可以食到3:30。時間雖然趕d。但都ok啦！坐底唔理三七二十一。先叫海鮮蝦/扇貝/芝士蠔/青口/原隻魷魚仔/貴妃蚌……仲有燒鮮菠蘿。所有海鮮都好鮮甜。尤其是扇貝，雖然細細粒，但真係好鮮甜。菠蘿，燒完之後好甜。芝士蠔一唔燒一路脹卜卜。芝士味都好香但有一樣唔好，就係原隻魷魚仔。因為連內臟都冇洗。所以一咬落去就已經唔食得。全口都係內臟。至於刺身，都唔錯，好新鮮。海胆蟹肉粥，要放係磯燒爐上煲滚的。因為熱食唔會腥。而且好甜好香。有雞蛋的。其實有好多食物都唔錯，但未能盡錄。大家可以自己去試吓吖。韓國雪條及雪米糍，仲冇3其他條雪條都係任食。除咗雪條，仲有其他甜品都係任食的。另外，仲有一個小角落。係比客人每人“筆”一袋糖，可以拎走的。我都“筆”咗人袋。