瀛素食 (Closed)

🍣 雜錦壽司拼盤 瀛素食 🍣 出開去油麻地剪頭髮，順便去咗瀛素食食個午餐。瀛素食可以話係一個平民日式餐廳。雖然坐得迫迫地，但價錢平民化。午餐餐牌有五個選擇。全部都係$48 仲送例湯好抵喎。我叫咗雜錦壽司拼盤，有四件軟殼蟹卷，幾好味呢，「軟殼蟹」脆卜卜🤪。其餘四個壽司就普通嘅粟米壽司、腐皮壽司、玉子壽司。平時喺普通壽司店都食到。普普通通。另外有一件係素三文魚壽司。咬落去有啲似蒟蒻嘅質地，其實冇乜味道。如果佢配牛油果壽司就仲好。不過以$48來講，已經交咗功課。