和氣食堂 (黃大仙中心南館)

Open Now

Now Closed

今日同老婆又去撐檯腳，一於去呢間和氣食堂醫醫肚。無他既，貪佢呢度選擇多質素高。今日幾好彩早少少入座，過多陣就見到出面排曬隊。我地首先叫左個海鮮四色丼。有甜蝦，三文魚，立貝同埋油甘魚。份量夠之餘，刺身仲好新鮮添。 跟住我地再叫多碟珍寶赤蝦刺身同埋劍魚刺身。 珍寶蝦個蝦頭真係超大啊，而且蝦肉非常爽脆。至於劍魚刺身肉身厚實，魚味濃郁得黎又唔會咁肥膩。呢碟雙重芝士鰻魚卷，真係芝士控必點！淋上汁醬既鰻魚再配上香濃既芝士，成就左呢味雙重芝士鰻魚卷，一試難忘。口痕痕當然要試下呢碟脆卜卜既脆脆燒三文魚皮啦。薄身既魚皮炸到非常酥脆，好食到停唔到口。野飲方面我地叫左杯宇治金時同藍柑白桃梳打。藍柑白桃梳打非常大杯，飲落去品嚐到微微桃味，幾特別。而宇治金時既抹茶同紅豆呢兩個絕配係呢道飲品既主幹，甘香得黎又帶有甜味。甜品方面我地揀左嶡餅白玉宇治抹茶牛奶雪糕。呢款甜品除左可以一次過食齊抹茶同牛奶雪糕之外，仲有埋蕨餅白玉呢d配料陪襯，食落唔會覺得太甜，但亦心滿意足。