Yuyu Sushi

Open Now

Now Closed

因為黎長沙灣睇戲，所以係到搵埋野食。就比我搵到呢間高質小店! 叫左個精選壽司定食，有成9件壽司，有3文魚，油甘魚，蟹籽，腐皮等等。全部食落都好新鮮! 腐皮壽司同平時食到既有少少分別，佢入面仲有D蘿蔔粒。呢個餐配面豉湯， 荼碗蒸 同埋沙律。蒸蛋好滑! 好抵食。之後叫左個牛油果軟殼蟹卷同芝士炸蝦卷，全部都大大份! 好足料! 呢到食物有好多選擇，串燒炸物樣樣齊。雞肉大蔥串燒有驚喜! 個汁好好食! 明太子雞翼仲會幫你切定，方便食。炸日本芝士年糕上台仲係熱辣辣。最後叫左雪糕作結。抹茶雪糕同埋提子rum酒雪糕好濃味，好好食! 重點真係食咁多野都係400幾蚊埋單，勁抵! 門口見到原來平時外賣自取有9折，如果係附近番工，一定成日黎食!