飯丸屋 (灣仔道) (Closed)

放飯或者放工想食個飯糰，台灣過江龍飯丸屋係一個好選擇！呢到有好多款飯糰可以揀，想食飽啲仲有好多小食同埋嘢飲。飯糰加$20跟餐就有埋嘢飲同小食，不過揀$18以上嘅就要加返差價。同埋呢到整得好快，lunch break短都夠時間食。J. 泡菜燒肉飯糰 $45+$20日本玄米茶（細）蜂蜜芥未薯條x1呢款係新出嘅泡菜燒肉飯團，燒肉味道濃郁，酸酸地嘅泡菜好解膩，好夾。薯條好香脆，蜜糖芥末夠惹味。E. 炸蝦天婦羅飯糰 $40+$20白桃烏龍茶 （細）麻糬波波 呢個有好大條炸蝦，仲有明太子醬，好豐富。麻薯波波好煙韌，有兩隻味添！A. 沖繩經典飯糰 $30+$20日式抹茶豆漿 (+$2)（細）日式炸雞-蛋黄醬 (+$6)原味好抵食，有蛋同午餐肉都好大份！炸雞好脆好多汁，唔油膩，加埋蛋黃醬更加滋味。嘢飲我鍾意飲抹茶豆漿，幾特別。抹茶味香濃，又唔會太甜。另外兩款茶都好香。