海膽仔

Open Now

Now Closed

一排冇食日本嘢，又有少少掛住添！今日難得放假，就於搵朋友食個下午茶先，因為朋友喺新蒲崗返工，當我講起想食日本嘢嘅時候，佢就提議同我一齊試吓新蒲崗呢間海膽仔！我哋三點左右就嚟到呢間餐廳，因為平日又係下午茶嘅時間，所以入邊既客人唔多，我哋無需等候就可以入餐廳坐低。一打開餐單，樣樣都好吸引，樣樣都好想食啊😍最後我哋嗌左壽司定食($109)、牛肉火鍋($68)、仲有三文魚壽司、赤蝦壽司同埋牛油果軟殼蟹卷($32)😍壽司定食嘅份量好多，差唔多有10樣嘢，每一舊壽司仲要好大舊，好足料，我哋兩個人食完都捧住個肚走！好飽！最後埋單都係$250左右，真係好抵食！