十三姨酸菜魚 (粉嶺中心) (Closed)

開翻晚市堂食，去邊都要排隊，食新開既餐廳當然唔例外，好彩早去，等咗一陣就入得。隔離連住金記冰室。QR code 點餐，餐廳提供WI-FI,所以電話無得上網都唔洗擔心。我見到隔籬枱食烤魚加雞煲，超香，不過二個人食唔到咁多。最後叫翻晚市精選。晚市精選份量多，超級推介喱個嫩滑香口椒麻雞飯($88)，醬汁酸酸辣辣微甜超開胃，青瓜墊底。清炒萵筍，我鐘意切到一絲絲，唔係一片片，爽口好多。招牌酸菜魚+$5轉咗水晶粉，份量足夠兩條友食，選用海鱸魚，啖啖肉，🐟有點兒唔夠入味，水晶粉就吸收湯既酸味，非常開胃。