白熊咖哩 (Closed)

由澳門回香港，在信德見到白熊咖哩，就試一試先食埋個晚飯先返屋企。晚餐都幾抵，點了個雞扒咖哩烏冬套餐，包小食及飲品，都係60幾蚊，價錢OK喎。小食點了凍豆腐，又幾滑，醬汁係日式麻醬，一個開胃小食。主菜雞扒咖哩烏冬，雞扒又厚又大塊，但煎得不夠香口，湯底只有少少咖哩香味，不辣，如果有多多咖哩更好。飲品柑桔特飲，難得沒有死甜。只可以說是一個夠飽又價錢合理的晚餐，如果下次有機會再食，要試咖哩飯先可以試到咖哩質素如何。