Ember (Closed)

又好耐無出街食過野喇，今次為老公升職出去食餐飯慶祝下🥳🥳呢間餐廳燈光較為暗，似酒吧咁，幾有情調。一個dinner set 包湯、麵包、頭盤、主菜、甜品同野飲，好豐富😋湯我揀左西班牙番茄凍湯，第一次飲凍湯，好似糊仔咁😆有啲青瓜片同兩粒烘到乾左好crunchy 嘅麵包粒，啲湯同爽脆青瓜一齊食令成個湯更加fresh。頭盤揀左天使紅蝦刺身，大大隻，食落鮮甜爽口，加埋啲泰式風味嘅酸甜辣醬有啲似食泰式生蝦刺身🤣主菜揀左烤焗西班牙有機豬鞍架，煮到7成熟唔會令塊肉太乾太鞋，就算唔落gravy 都好食，重保留到肉汁，啲肉汁多到流晒出碟！如果換隻可以兜得住汁嘅碟會好啲，因為食得有啲狼狽😅紫薯蓉好綿密，帶點牛油香，好食到想問佢地有無得refill haha! 烤菠蘿好香甜🍍野飲揀左raspberry lemonade，少甜會好啲～最後食埋甜品～菠蘿味sorbet ，好fresh～味道唔假，似用左果肉整。