麵屋豚豚拍子 x 辛味屋 (Closed)

放工同屋企人出街食飯，今次嚟到位於寶琳嘅麵屋豚豚拍子x辛味屋食晚餐食物款式都幾多，有多款日式小食、拉麵、咖喱飯、丼飯同便當等等，價錢優惠。芝士年糕年糕外皮炸得香脆，裏面嘅年糕煙韌有咬口，年糕內嘅芝士夾心味都幾香，而且軟綿，個人好中意。照燒雞扒漢堡扒便當雞扒外皮煎得夠脆，雞肉都夠入味。漢堡扒一共有兩塊，煎得幾香，調味甜甜地，肉質幾腍，個醬汁都幾送飯。便當更配有味噌湯同埋是日前菜。吉列豬扒蒲燒鰻魚便當吉列豬扒色澤炸得幾靚，外皮幾香脆，豬扒肉質都夠腍。蒲燒鰻魚燒得焦香，肉質幾嫩，蒲燒汁味道頗為濃郁。飲品方面，惠顧主菜可以半價優惠購買飲品，我哋分別叫左凍奶茶同凍檸茶，都幾抵飲。