食得樂小廚餐廳 (Closed)

家人有時唔想煮飯，就會嚟呢度叫小菜。每次晚飯時間去到都好多人，甚至見到外賣要用個紙皮箱先裝得曬伙記都十分有街坊人情味。店內似乎都唔少熟店，包括自己哈哈坐低可以叫野飲或例湯，我哋每次都會叫例湯，貪佢夠哂真材實料又大大碗。真係好大碗，份量差唔多係屋企用嘅大湯碗size，而且每碗都好多料，唔會好似好多餐館嘅湯咁，估唔出係咩湯食肆用味精唔怪得人，但呢間嘅用份我個人認為算少，尤其係個湯到見到。唯一係師博調教份量不一，有時重手咗啲。小菜方面除咗魚，都係$48-$68，加$10轉餐就會跟白飯。今次叫咗個咖哩班腩煲，即叫即整，等咗10幾分鐘，不過有大大碗湯飲，同屋企人吹下水，都唔會嫌上餸慢其他冇影到相但都要比讚！呢度勝在所有嘢都大件夾抵食，3個人其實2個餸就啱啱好。