心泰苑

Open Now

Now Closed

荃灣海濱區內隱蔽小店。店內座位得20個多數人都係外賣，店內食客不多。午，晚市都有優惠套餐供應，每款$46，非常抵食叫咗無骨海南雞湯麵，麵有好多選擇(河粉，檬粉，金邊粉，米粉，米線)湯底亦有好多選擇濃淡味都有(冬蔭功，喇沙，清湯，撈檬)當日揀喇沙米線喇沙湯底味道濃郁咸淡適中，朋友連湯底都飲晒海南雞份量頗多仲有油豆腐第二個套餐係黃咖哩豬扒飯豬扒醃得好入味，已剪開細塊方便進食。黃咖喱除咗汁仲有薯仔，洋葱，青紅椒等配料，非常豐富個咖哩微辣帶小甜是我杯茶加上白飯新鮮熱辣當然要美人照鏡啦！套餐包熱飲奶茶味道當然無餐餐廳咁好，另一個係菜蜜(味道麻麻)，可能係泰國菜一般菜餐廳飲品可能比不上泰式特飲，下次一定會加$轉特飲飯後仲有甜品(椰青糕)送，雖然賣相麻麻，但味道好得頂層係白色啲椰汁糕，下層係有椰青肉啲大菜糕，食落微甜有豐富椰青水味，好似食緊椰青水兩個套餐共$92(免加一)，唔使$100就可食到豐富又美味啲晚餐，真心講真係好抵最後一提，因為哩間係小店，家庭式經營，人手不多，所以上菜時間要耐D，我覺得只要有時間真係值得等吓。