Video
Read full review
2010-07-25
32 views
上次大班同事嚟過一次，覺得料足又幾好味，尋晚約舊同學慶生，推介呢度，再食一次，仍然order每人$228嘅鮑參翅肚招牌菜式，保持水準呀~尤其果碟「花雕蛋白蒸海紅蟹」，有少少花雕味嘅蛋白幼滑清香，蟹肉「實淨」有鮮味，食得出好新鮮，其他好似「鮮蟹肉扒生翅」呀、「招牌三色蝦」呀咁，都好足料大家都食得好滿意，猛話下次再嚟~原本無習慣寫「食後感」，但飯後大廚何先生入嚟問我哋意見，佢講講吓，忍唔住同我哋訴苦，話近排有人喺網上抹黑，惡意批評，佢話私房菜講口碑，呢啲不盡不實的食評，對佢哋影響好大，有食客睇完取消booking，話希望我哋食完之後，可以如實報道，還佢一個公道咁話。所以，小妹只好處女下海，寫一次食評，算對得住「做好呢份工」嘅何大廚~鮮蟹肉扒生翅.：翅一梳梳，好足料，每人可分到兩碗。蟹肉夾著魚翅，鮮甜，好好味。不過，依家好多朋友都響應「唔食魚翅」運動，唔要呢味，應該可以同何先生商量，改其他都無所謂，私房菜嘛~花雕蛋白蒸海紅蟹：非常出色。有少少花雕味嘅蛋白幼滑清香，蟹肉「實淨」有鮮味，食得出好新鮮，我個人認為是是日最佳，好好味。原隻鮑魚扣山珍海味：原隻鮑魚好大隻，我啲朋友見到哇哇聲，不過我就嫌
原本無習慣寫「食後感」，但飯後大廚何先生入嚟問我哋意見，佢講講吓，忍唔住同我哋訴苦，話近排有人喺網上抹黑，惡意批評，佢話私房菜講口碑，呢啲不盡不實的食評，對佢哋影響好大，有食客睇完取消booking，話希望我哋食完之後，可以如實報道，還佢一個公道咁話。所以，小妹只好處女下海，寫一次食評，算對得住「做好呢份工」嘅何大廚~
鮮蟹肉扒生翅.：翅一梳梳，好足料，每人可分到兩碗。蟹肉夾著魚翅，鮮甜，好好味。不過，依家好多朋友都響應「唔食魚翅」運動，唔要呢味，應該可以同何先生商量，改其他都無所謂，私房菜嘛~
花雕蛋白蒸海紅蟹：非常出色。有少少花雕味嘅蛋白幼滑清香，蟹肉「實淨」有鮮味，食得出好新鮮，我個人認為是是日最佳，好好味。
原隻鮑魚扣山珍海味：原隻鮑魚好大隻，我啲朋友見到哇哇聲，不過我就嫌鮑魚比較淡口，但講真，咁嘅價錢算好超值，加埋啲花膠、花菇呀咁，都算唔錯。
清蒸老虎斑：可能之前太驚喜，條魚反而無咩特別，但都蒸得啱啱好~
天下第一鷄：煮得好有住家feel，隻雞瘦瘦哋，但有肉味~
招牌三色蝦 ：三拼組合：黃金蝦,+美極蝦, +芝士蝦丸 蝦肉爽口又新鮮，三款都好好食，不愧係招牌菜~
金銀粉絲蒸元貝：幾惹味，但唔算好出色，無咩特別~
瑤柱扒西蘭花 ：無咩特別~
飄香炒飯 ：炒得好乾身，唔錯~
總評：連生果拼盆，呢個「海鮮餐」的確好抵食，味道也是水準以上，唯一美中不足係我哋在菜單以外加咗十個壽包，明顯屬預製貨色，蓮蓉唔夠香，又無蛋王，水準以下，我哋事後都有同何先生交流意見，他說一定會接受意見，又謂訂位時可以預先要求想食有蛋王的壽包，他可以張羅，仲堅持唔收我哋是晚嘅壽包錢，搞到我哋都有啲唔好意思~
講真，私房菜都係講誠意心機嘅生意，何先生一個人做大廚，太太做幫工，經營不容易，壽包屬小問題，用預製貨可以體諒，不過從消費者角度，十蚊一個不便宜，如果水準可以改善當然更好。事實上，何先生也願意聽取意見，整體而言屬有誠意兼抵食的私房小館，值得推介~
Post