海宴樓 (Closed)

海宴樓以本地海鮮做生招牌，就即管去試試。位處不太顯眼嘅佐敦薈，裝修就冇咩特別，走街坊派路線。我哋去到樓面都幾快有位。始終食物先係重點，佢地解釋本地車蠔，因為唔係度度地方有得食，同埋好多人都同其他蠔混淆咗，所以佢哋會細心解釋，我哋得兩個人，佢哋話就算叫兩隻都得，咁就試啦，入口幾爽甜，口感鮮嫩。豬肺湯係推介，用杏仁汁同礦泉水「淆」，非常滑同清甜。我哋兩個人其實食唔到太多海鮮 (除咗車蠔仲有叫青口同炒蜆，炒蜆就普通咗啲)，佢哋冇只係一味介紹海鮮，而推介咗家常便飯既西蘭花墨丸，墨丸好味兼彈牙。而埋單幾錢？$500有找，唔係下下只用噱頭賺盡，值得一試。