JOY LITM (Closed)

難得去食個下午茶，就試下依個算叫做多好評嘅梳乎厘班戟店。試左算係最特色嘅提拉米蘇梳乎厘班戟，以依個價錢黎講，絕對超值，但如果齋比較味道，某日本梳乎厘班戟店明顯比佢好味。飲品試左菠蘿生薑綠茶，其實佢係一個茶包本身已包含菠蘿、生薑和綠茶，味道唔會甜但都有薑味。整體黎講，係抵食嘅下午茶，又無乜人。下午茶時間只有酒店客入黎買嘢飲，基本上無香港人幫襯，但如果行街行到攰，諗唔到去邊，依個都係一個好地方休息一下。