美味故事 (Closed)

星期日晚同朋友去咗旺角呢間樓上Cafe食晚餐，地理位置都比較難搵，環境幽靜，不失為一個同朋友促膝詳談嘅好地方。而且一入到餐廳，就被角落頭嘅夾band樂器所吸引，唔知平日係咪有人駐唱夾band呢～睇一睇個餐牌，選擇都幾多，我同朋友就揀咗慢煮完隻去骨春雞配黑椒汁同慢煮西班牙黑毛豬安配焦糖蘋果醬，嘢飲方面叫咗玫瑰養顏花果茶同抹茶拿鐵。主食方面，份量都相當驚人， 10分抵食。講明原者燒春雞，真係大大隻足料咁俾你。豬安方面都真係又厚又大塊，抵食！跟set仲有南瓜湯同蟹子溫泉蛋沙律，前菜來講份量都係相當大份。另外係我哋未叫任何嘢食之前，餐廳都好細心咁送咗兩細杯西瓜沙冰，對好口乾嘅我來講，都真係相當貼心，值得一讚。