皇后冰室

Open Now

Now Closed

今日tea time去左觀塘樓上搵野食，去左迅達工業大廈二樓嘅皇后冰室。大廈都乾淨企理，4點幾5點都有食客，餐牌都幾多選擇。 焗飯，扒餐都有，價錢都幾抵。我就叫左 美國費城烤西冷配野菌燒汁，配薯菜。+$4 羅宋湯羅宋湯味道適中，唔會太濃，有肉粒同菜，飲落開胃舒服。美國費城烤西冷配野菌燒汁，配薯菜。上碟都幾靚，我叫左七成熟，份量都唔細。西冷帶少少筋，切起上黎都唔會覺得太韌，咬落都有肉汁，帶筋幾有咬口，牛味都ok。 野菌燒汁煮得幾好，有粒粒菇，聞落幾香，汁唔會太重味，質地都啱啱好。薯角大大件，做到外脆內軟，炸起熱辣辣。雜菜有粟米，西蘭花，甘荀仔等，味道正常。飲品叫左杯 熱奶茶少奶。奶茶香濃幼滑，沖得唔錯。下午茶 仲有餐加配小食，我就+ $12 配芒果布甸。食得出自家製，芒果肉超多，布甸唔會太甜，好食！近近地又多野食，坐得都好舒服，係打工仔好選擇！