大喜屋

Open Now

Now Closed

喺香港食放題，相信大家對大喜屋都絕對唔會陌生。以晚市around 268至300嘅價錢，都真係非常抵食。依家食放題又點可以單純刺身壽司呢啲咁簡單呢，喺度除左可以食到刺身、壽司、炸物、燒物呢啲日式食物之外，仲有唔好嘅特色料理，就好似蟹粥、花膠、炸乳鴿咁，直頭好似酒店自助餐一樣。呢度嘅刺身壽司都好新鮮，而且真係畫左幾多就俾幾多你，真係抵讚。料理嚟講我好欣賞佢嘅醉鮑魚同鵝肝多士。鮑魚夠腍身同入味，鵝肝多士夠香，食完一round又一round。除左手機點單嘅美食，自助吧枱都有大量前菜小食可以拎，係估唔到連點心都有，真係照顧到唔同人嘅需要。飲品方面，有個大雪櫃，茶飲汽水啤酒樣樣齊唔在講，竟然連清酒同生啤都有。當然亦唔少得有多款甜品同雪糕任食啦，咁抵食真係不得了。呀，如果你係榴槤迷，記得點埋個燒榴槤，包你唔會後悔。