亞泰

Open Now

Now Closed

蛋咖哩蟹肉枕頭包蛋咖哩好香而且綿滑，咖哩味濃又唔會太辣。加上麵包焗到脆身，夾埋一齊食好夾。重點係蟹肉真係一梳梳，嫩滑又有蟹肉香，整體好出色！ 沙嗲串燒兩串雞同豬，肉質比起一般串燒厚實而且又唔會韌，雞肉仲有肉汁添。加埋沙嗲醬一齊食勁惹味。 蒜蓉通菜呢個就正常發揮，通菜夠新鮮爽口就好難唔好食。 椰汁雞湯另一個驚喜，椰汁味香又唔會太甜蓋過雞湯味，雞肉好滑肉味突出，夾埋一齊非常好飲同埋鮮味! 泰式奶茶茶底好濃而且奶既比例岩岩好，冰凍又好飲。叫第二支會轉外賣樽俾你，飲唔哂都可以直接拎走，好細心。