川味雞烤魚大王 (隆亨商場) (Closed)

一直都好想試下正宗嘅烤魚，聽朋友介紹過呢間好好食，趁今日過開大圍，一於試下啦！地點向隆亨商場都好易揾，我地去嘅時間係午飯，剛好有午市火鍋烤魚套餐。我地揀左重慶麻辣烤海爐魚，因為我本身唔太食辣，但又好想試，所以揀左BB辣試下。一黎到原條烤海爐魚上，勁大條！爐魚啲皮烤過後有少少脆口，魚嘅面頭鋪滿花椒同埋原隻辣椒！開火嘅時候已經飄黎陣陣香味，成條魚唔多骨，估唔到係噤香同噤滑！BB辣對我黎講就剛剛好，唔太辣又食到魚嘅鮮味！配菜方面我哋點左雪花肥牛，濶薯粉同田園雜菜！雪花肥牛配呢個重慶麻辣同樣出色，而濶薯粉同田園雜菜吸哂重慶麻辣烤魚嘅精華之後係非常之入味，好出色啊！平時唔食魚嘅我都覺得非常之一流，會再黎喔！