Video
Read full review
2018-02-11
199 views
難得好日都唔去將軍澳，都唔知新都城開左韓式烤肉，更加唔知NeNe Chicken同新麻蒲BBQ原來係開埋一齊！新都城呢個area一連開左好幾間人氣餐廳，包括已經有幾間分店、係韓國開過黎香港既新麻蒲～由於今日遲左收工，我地9點多先入座，見到門口仲寫住”試業中”～空間好大，座位有好多，尤其係2人檯，可能呢區都係2個人撐檯腳多～都幾企理衛生，又唔會好大煙因爲每檯都有抽油煙～一開頭我地被套餐吸引左，見到$368既烤豬肉連部隊鍋好多野食，點知揭下揭下發現夜晚9點半後有個Happy Hour/ 宵夜套餐，都係烤豬肉仲有4款但無左部隊鍋，好似仲抵食添！所以我地叫呢個黎試下！一坐低就有好多唔同款既前菜，又有一大盤沙律，仲要烤爐邊有蛋呀！蛋可以揀原味或泡菜味，我地食泡菜味店員就係蛋漿內加入泡菜～等左幾分鐘D蛋就熟左，漲起好得意！好香口好好味呀，可能咁夜已經好肚餓🙈果然係爐邊蛋既始祖跟住4款肉同什錦拼盤黎到！呢度有護心肉（豬）、豬頸肉、豬五花肉、牛肋排肉，每份都6件左右，豬五花肉就厚切一人一件，睇落份量唔多，又叫多左一個新麻蒲泡麵，點知燒肉用生菜包住食，加埋前菜一齊食就幾飽，但咁夜食呢個份量就覺得剛剛好！
新都城呢個area一連開左好幾間人氣餐廳，包括已經有幾間分店、係韓國開過黎香港既新麻蒲～
由於今日遲左收工，我地9點多先入座，見到門口仲寫住”試業中”～空間好大，座位有好多，尤其係2人檯，可能呢區都係2個人撐檯腳多～都幾企理衛生，又唔會好大煙因爲每檯都有抽油煙～
一開頭我地被套餐吸引左，見到$368既烤豬肉連部隊鍋好多野食，點知揭下揭下發現夜晚9點半後有個Happy Hour/ 宵夜套餐，都係烤豬肉仲有4款但無左部隊鍋，好似仲抵食添！所以我地叫呢個黎試下！
一坐低就有好多唔同款既前菜，又有一大盤沙律，仲要烤爐邊有蛋呀！蛋可以揀原味或泡菜味，我地食泡菜味店員就係蛋漿內加入泡菜～等左幾分鐘D蛋就熟左，漲起好得意！好香口好好味呀，可能咁夜已經好肚餓🙈果然係爐邊蛋既始祖
爐邊蛋
12 views
0 likes
0 comments
跟住4款肉同什錦拼盤黎到！呢度有護心肉（豬）、豬頸肉、豬五花肉、牛肋排肉，每份都6件左右，豬五花肉就厚切一人一件，睇落份量唔多，又叫多左一個新麻蒲泡麵，點知燒肉用生菜包住食，加埋前菜一齊食就幾飽，但咁夜食呢個份量就覺得剛剛好！生菜包住燒肉真係好正，即刻覺得fresh左好多無咁油膩～最鐘意護心肉，第一次食但肉質好滑又爽爽地👍🏻同豬頸肉口感唔同，但唔識點形容🙈
什錦拼盤就有金菇、杏鮑菇、冬菇、翠肉瓜、蝦，原來仲有年糕，燒年糕真係未試過，燒到漲起左🙈
跟餐半價叫左2杯飲品，要非酒精類先有半價，藍色果杯係藍天檸檬汽水，都幾好味，右邊果杯好似係莓味果醋，清清地但淡左D
Happy Hour Set
$248
30 views
0 likes
0 comments
新麻蒲泡麵
$58
16 views
0 likes
0 comments
唯一就係時間實在趕左D, 啱啱叫左呢個Happy Hour 套餐，過左15分鐘就last order，我地趕緊快燒左1個鐘食完，last order之後所有前菜都停止供應，平日晚上叫個宵夜似乎唔多夠時間食，可能餐廳係新開仲要調整下～
但係套餐對2/4個人黎講真係抵食好多！呢餐埋單都係$355，每人唔使$180！
Post
