Video
Read full review
2022-09-17
239 views
喜歡食越南湯河，一想食我就會諗起Ha Noi 越南菜，因為呢度好地道正宗，而且食物選擇好多，基本上你講得出嘅越南嘢食呢度都有得食，而且份量大大份，好抵食，今日放工就去咗尖沙咀重慶大廈地庫分店，呢間鋪啱啱喺四月搬咗位置，地方更加大坐得舒服，店內新裝修都是充滿越南風情👍🏻👍🏻🦐▪️安南鮮蝦米紙卷 $ 48米紙卷每次都要食，煙靭嘅米紙包住鮮蝦，扎肉，青瓜絲，蘿蔔絲，檬粉，生菜，金不換葉，最緊要係要點魚露甜酸汁，清清地，爽口又好食🐮▪️極品牛三寶湯河粉 $ 70(生牛肉，牛展 ，牛丸 ）店舖招牌必食推介，份量超級大碗，首先湯頭好濃郁嘅牛肉湯味，好飲唔頸渴，牛三寶質素非常之高，生牛肉大大塊入口淋滑，生熟程度剛好，牛展非常入味，牛丸有少少牛筋，爽口彈牙，配合滑滑嘅河粉，生洋蔥，金不換葉，辣椒，青檸汁，非常好食🐷▪️越式香茅豬扒撈檬 $ 62一樣係分量十足，大量嘅醃蘿蔔絲，青瓜絲，生菜，炸蒜，好多菜，是撈檬粉必須的，加上大量酸汁魚露，酸酸咪咪口感豐富好開胃，主角香茅豬扒，炸得好香口，厚度適中好鬆軟，而且醃得好入味，配上少少香蔥蓉，真心非常唔錯🦀▪️酥香軟殼蟹 $ 42原隻軟殼蟹酥炸，好大隻，炸到外脆內軟，鹹
喜歡食越南湯河，一想食我就會諗起Ha Noi 越南菜，因為呢度好地道正宗，而且食物選擇好多，基本上你講得出嘅越南嘢食呢度都有得食，而且份量大大份，好抵食，今日放工就去咗尖沙咀重慶大廈地庫分店，呢間鋪啱啱喺四月搬咗位置，地方更加大坐得舒服，店內新裝修都是充滿越南風情👍🏻👍🏻
🦐▪️安南鮮蝦米紙卷 $ 48
米紙卷每次都要食，煙靭嘅米紙包住鮮蝦，扎肉，青瓜絲，蘿蔔絲，檬粉，生菜，金不換葉，最緊要係要點魚露甜酸汁，清清地，爽口又好食
🐮▪️極品牛三寶湯河粉 $ 70
(生牛肉，牛展 ，牛丸 ）
店舖招牌必食推介，份量超級大碗，首先湯頭好濃郁嘅牛肉湯味，好飲唔頸渴，牛三寶質素非常之高，生牛肉大大塊入口淋滑，生熟程度剛好，牛展非常入味，牛丸有少少牛筋，爽口彈牙，配合滑滑嘅河粉，生洋蔥，金不換葉，辣椒，青檸汁，非常好食
🐷▪️越式香茅豬扒撈檬 $ 62
一樣係分量十足，大量嘅醃蘿蔔絲，青瓜絲，生菜，炸蒜，好多菜，是撈檬粉必須的，加上大量酸汁魚露，酸酸咪咪口感豐富好開胃，主角香茅豬扒，炸得好香口，厚度適中好鬆軟，而且醃得好入味，配上少少香蔥蓉，真心非常唔錯
🦀▪️酥香軟殼蟹 $ 42
原隻軟殼蟹酥炸，好大隻，炸到外脆內軟，鹹鹹香香，配合埋酸甜汁，好食到停唔到口
🧋▪️凍越南滴漏咖啡 $ 30
冇見過一間越南餐廳係咁抵飲，非常大杯，上枱時煉奶在底部，一大杯濃郁嘅越南滴漏咖啡，撈埋煉奶一齊之後咖啡味道甘甜，好飲，好高質素
🥤▪️龍眼冰 $ 28
龍眼冰又係我去過咁多越南餐廳當中最抵飲，最大杯，最多料，大量龍眼肉同埋杞子，好清甜，飲到最尾可以慢慢嘆龍眼肉，有成十幾粒🤭
Post
