榮記茶餐室

Open Now

Now Closed

一直都想試一次煲仔沙嗲牛肉麵，奈何地點實在太唔就腳，今次要去慈雲山朋友屋企終於有機會試。我係早餐時間去嘅，10點幾，問姐姐咁早有冇，好彩都有。之前睇食評話份量都好多，諗緊好唔好share一個。姐姐話其實都係得一個麵底，咁就嗌左一人一個。點知嚟到的確係一個麵，但係牛肉就勁多，食極都仲有，最後放棄淨返嘅麵食晒牛肉就算，七十幾蚊咁多牛對我嚟講算好抵食。牛係用鮮牛，好香花生味，係我鍾意嘅style，個麵食到尾都唔會好淋不過係咸左啲啲。唔知個姐姐係咪老闆娘呢，服務態度非常好。我覺得絕對值得一試嘅。