高橋沾麵製作所 (Closed)

呢間喺奧海城food court入邊嘅沾麵店性價比超高，餐廳大部份嘅拉麵同埋沾麵都係60幾蚊，超級抵食。睇睇餐牌，見到有好多款沾麵同埋拉麵可以選擇，而且仲可以加唔同嘅配料，可以tailor-made自己心水嘅面。仲有張紙教人點樣去食沾麵。今次點咗豚肉魚介沾麵同埋極上3L廣島蠔赤海老拉麵。沾麵嘅湯底有香濃嘅魚鮮味，叉燒亦都煮得好入味，配埋糖心蛋，連埋啲面一齊食，超正。廣島蠔超大隻，炸到好香脆。下次嚟奧海城可以再encore。