Video
Read full review
2020-01-17
613 views
農曆新年又到，係又時候辦年貨。今日放工就去到馬鞍山商場買嘢，搞掂之後我就同老公去搵食。行過呢間餐廳，見到有好多人喎，然後就見到外面有個宣傳牌寫住龍蝦半價，非常吸引，咁就不如食呢間吧。餐廳裏面有好多人，地方大，裝修都好新淨，燈光光猛，坐得都舒服。呢間餐廳係食東南亞嘢，餐牌選擇都唔少。我哋緊係要叫個波士頓龍蝦喇沙，跟住就一個飯，一個菜同埋兩杯嘢飲。見到波士頓龍蝦喇沙個樣就覺得好吸引，好大碗，成隻龍蝦霸咗半個碗，裡面仲有一啲芽菜同埋豆卜。龍蝦真係好大隻，入口肉質結實爽口，帶鮮味。呢度嘅喇沙係油麵同埋米粉mix一齊，幾特別。湯底係咖哩味帶少少椰汁味，但唔辣嘅。椰汁味唔會太濃，冚咗咖哩嘅香味。豆卜吸收咗呢個湯底，覺得好好味。呢個喇沙我真係好鍾意，真係覺得好好食。飯我哋就叫咗一個馬來蜜汁炭厚切燒豬扒配菜飯，呢個嘅賣相都好好，又係好大碟。 豬扒燒得好香，咬落去一啲都唔韌，好有口感，用蜜汁燒，所以甜甜地。佢旁邊有一個辣汁，點埋佢一齊食，好有泰國風味。佢就連菜飯都好好食，菜係爽口嘅。呢個飯我都係好鍾意，覺得好唔錯。菜係馬拉盞炒通菜，馬拉盞味道鹹鹹香香，唔係太多油，炒得都幾靚，顏色仲係好綠，唔會太黃，份量
餐廳裏面有好多人，地方大，裝修都好新淨，燈光光猛，坐得都舒服。
呢間餐廳係食東南亞嘢，餐牌選擇都唔少。我哋緊係要叫個波士頓龍蝦喇沙，跟住就一個飯，一個菜同埋兩杯嘢飲。
見到波士頓龍蝦喇沙個樣就覺得好吸引，好大碗，成隻龍蝦霸咗半個碗，裡面仲有一啲芽菜同埋豆卜。龍蝦真係好大隻，入口肉質結實爽口，帶鮮味。呢度嘅喇沙係油麵同埋米粉mix一齊，幾特別。湯底係咖哩味帶少少椰汁味，但唔辣嘅。椰汁味唔會太濃，冚咗咖哩嘅香味。豆卜吸收咗呢個湯底，覺得好好味。呢個喇沙我真係好鍾意，真係覺得好好食。
飯我哋就叫咗一個馬來蜜汁炭厚切燒豬扒配菜飯，呢個嘅賣相都好好，又係好大碟。 豬扒燒得好香，咬落去一啲都唔韌，好有口感，用蜜汁燒，所以甜甜地。佢旁邊有一個辣汁，點埋佢一齊食，好有泰國風味。佢就連菜飯都好好食，菜係爽口嘅。呢個飯我都係好鍾意，覺得好唔錯。
菜係馬拉盞炒通菜，馬拉盞味道鹹鹹香香，唔係太多油，炒得都幾靚，顏色仲係好綠，唔會太黃，份量都多喎，幾好食。
嘢飲我哋叫咗伯爵珍珠奶茶同埋芝士黑糖珍珠鮮奶，見到都已經覺得超級大杯。老公話好重伯爵茶味，珍珠咬落去煙韌，比較甜，係佢鍾意嘅甜度。而我叫左杯芝士黑糖珍珠鮮奶，係喎，珍珠真係好煙韌，芝士味同埋鮮奶都同樣濃，真係好好飲，飲完之後就覺得超飽。
呢間餐廳我同老公都好鍾意，三百蚊就有咁多嘢食，真係又抵又好食，食到超飽。職員態度亦都非常好，另外幫我哋落單嘅時候，職員都唔需要用紙筆去mark低，就記得我哋叫咗啲乜嘢，勁！如果下次再經過呢區，我哋都會揀佢。
Post
