泰Grill (享和街)

在荃灣廣場附近食左性價比超高嘅午餐。首先係燒蠔，肥美，調味酸酸甜甜，開胃。點左兩份午餐，蟹肉炒飯+粒粒波蘿梳打。蟹肉清晰可見，份量多，清清地幾好味。梳打入面既菠蘿細細粒，消暑。另一份午餐係泰式炒金邊粉+泰式奶茶。蝦好大粒，金邊粉夠煙韌，味道好正宗。跟餐泰式奶茶不用加錢，茶味香，性價比高。跟餐小食春卷，一碟居然有4條咁多，超香口，唯有下次再食蝦餅啦。最近喜歡食菠蘿，燒完嘅菠蘿好香甜，灑上七味粉，提升左層次。芒果糯米飯是每次食都會覺得好幸福既甜品。芒果頗甜，有2款糯米飯，軟糯。