皇后泰國廚房 (Closed)

啱啱個weekend約左朋友一齊去尖沙咀，食個lunch再去行下。我地都心血來潮想食泰國嘢，就嚟咗皇后泰國廚房，佢個lunch menu 都幾抵，98蚊有湯，小食，主食同埋甜品。不過其實咁多嘢我地食唔晒所以冇嗌，但係大食嘅人絕對可以考慮下。我地一人叫一個主食，蝦醬炒飯同pad thai。蝦醬炒飯好夠味，而且好多餸可以一齊食，鐘意辣既可以連埋多啲辣椒一齊食。臘腸好香，又甜又有少少鹹餸飯一流。Pad Thai 係每次食泰國嘢都一定會叫既。呢度既Pad Thai好正宗，份量又夠大，加埋青檸汁食好開胃。泰式奶茶係本人至愛，好香濃既泰式茶味，唔會太甜，好好飲好解渴。泰式檸檬茶有啲青寧，同樣解渴又消暑。