泰屋

Open Now

Now Closed

放工我約咗朋友去咗一間喺旺角嘅泰國餐廳，聽朋友講呢一間餐廳價錢大眾化同埋幾好食，所以我哋一齊去試吓．冬陰功海鮮炒飯，係餐廳嘅特別推介，所以我哋就試吓。個冬陰功炒飯有少少辣，有海鮮配料冬陰功炒飯好入味，好開胃！每食一口都可以食到炒飯嘅香氣同海鮮嘅鮮味，幾有層次感，同埋個飯炒得剛剛好，而且份量足夠，我可以同朋友share嚟食😊．因為我朋友好喜歡青咖喱，所以佢特別叫咗［青咖哩羊配白飯］，羊肉煮得剛剛好，青咖喱醬汁濃郁香辣，配埋白飯，好搭配！．因為我想同朋友傾吓計，我哋仲叫多咗個小食拼盤。拼盤入面有雞翼、蝦餅、魚餅同埋春卷，全部都好好味！雞翼炸得好入味，蝦餅同魚餅都好鮮甜有彈性，而春卷則脆皮炸得香口。加埋啲泰式醬汁，酸辣同甜味都啱晒口味。．食咁多嘢一定要叫番杯飲品解解渴，我同朋友都叫咗西瓜沙冰，喜歡它是新鮮手打的，大家都覺得透心涼．個人覺得呢間餐廳價錢抵食，食物份量足夠，如果約埋三五知己過嚟下野傾吓計，確實唔錯