泰好記

Open Now

Now Closed

旺角呢間泰國餐廳味道正宗，店員有唔少係泰國人，餐廳仲播住泰文歌，好有feel!🌟香葉炒肉碎飯 $88一人套餐套餐性價比十足！自選左香葉炒肉碎飯，呢款肉碎加左金不換、辣椒、豆角一齊炒，炒得好香好惹味，仲配埋煎蛋，呢個餸好開胃，送飯食真係一流🤤套餐仲送燒雞全翼，雞翼好入味，燒得好香😍加$8 可升級特飲——龍眼冰，龍眼肉超多超足料，飲落唔會太甜，味道正宗！🌟泰式蛋包金邊粉 $88金邊粉炒得有鑊氣，調味控制得好，酸甜惹味，唔似得出邊嘅金邊粉落好多茄汁，但又會過咸，撈埋花生碎食夠晒正宗。大蝦亦爽口彈牙🤤🌟小食拼盤 $80小食拼盤有炸蝦餅、炸雞卷、炸魚卷，全部都即炸，口感酥脆，蝦餅嘅蝦味濃郁，好彈牙，雞卷個皮超級脆，魚卷食落有冬蔭公嘅味道，好特別，好好食😍🌟椰汁芒果糯米飯 $68芒果甜中帶微酸，糯米飯係鴛鴦糯米，口感煙煙韌韌，加上香濃既椰奶，食完大滿足☺️☺️🌟椰汁珍多冰 $30珍多冰足料，有薯粉條同綠豆，味道唔會太甜。