泰妹餐廳 (Closed)

呢排食泰國嘢食到上晒癮，晏晝一條友唔知食乜好，就好想搵泰國嘢食，左搵右搵就搵到泰妹，喺餐廳外面睇一睇Menu，仲有午餐即刻入去試吓。坐低order咗泰式雙拼飯，平時食雙拼飯通常都係燒味飯，大鄉里泰式雙拼飯真係未試過。雙拼係泰式海南雞同泰式豬髀飯，海南雞好滑，冇乜多餘脂肪而且肉厚，泰式豬髀好香八角嘅味道，炆得好軟腍，口感好特別但味道出色。香茅青檸薏米水就第一次喺泰國菜餐廳飲到，個配搭好特別，雖然呢一杯係熱飲，但係個味道出奇地夾，仲要薏米可以去濕，夏天飲一流。總括嚟講呢份lunch set喺抵食，下次嚟開呢頭做嘢可以再黎試下。