泰姐BBQ (Closed)

今日心血來潮想食泰國野，唸起華明市場之前食過一次抵食既船河，於是收工就去望望啦。收工時間市場逼滿好多買外賣既人，其實真係抵食又多選擇，第一時間去泰姐bbq望下，選擇困難既我又發作，睇左餐牌差不多8分鐘都選吾到最後簡左豬頸肉船河，等左5分鐘左右已經攞得啦!!翻到屋企打開，湯同河粉係分開裝，十分好湯既味道真係完全係泰國味道，豬頸肉都幾入味，唯一不足係豬頸肉份量少左啲，但河粉既份量就好多。今次第2次幫襯都無失望，下次要試下泰式飯!!!