泰潮 (嘉咸街) (Closed)

係中上環食平嘢食係唔容易，但係今日食嘅呢間真係非常抵食。係中環或者上環地鐵站行過去都好快到，好就腳！！見到有好多外賣單，夥計做唔停手，就知佢真係好食啦！晚市二人餐冬陰功湯 非常重料呀，有四五隻蝦，加幾粒肉丸，仲有好多秀珍菇。店員仲會幫手分湯，貼心到爆。酸辣鳳爪泰菜嘅經典前菜，好開胃，一定要揀！蒜蓉炒雜菜有椰菜，芥蘭，紅蘿蔔，木耳，粟米荀，色彩繽紛又好味海南雞 雞油飯食海南雞點可以唔配油飯，雞肉嫩滑，雞皮爽口，一啲都唔肥。炸蝦餅及春卷蝦餅好好味，係手打蝦肉嘅感覺，正呀！！咖哩牛筋腩呢個咖哩嘅椰味濃厚，牛肉好多，送飯一流！椰汁糕最後食埋甜品，完美！