Video
Read full review
2021-08-26
217 views
荃灣千色匯廣場入邊 見到一間性價比高嘅泰式餐廳 於是就同朋友一齊入去試吓餐廳仲好歡迎顧客用消費券有齊晒電子貨幣嘅付款如果唔介意早少少5:30之前入座 仲可以平啲 加送嘢飲添雖然佢叫篤篤船麵但其實除咗麵之外亦都有飯食睇完Menu之後就可以畫紙仔點餐小食亦都價錢大眾化 非常之可以滿足眼闊肚窄嘅朋友餐廳都座無虛席 好受街坊歡迎先叫咗泰式酸辣無骨鳳爪其實鳳爪本身都有少少酸味再加埋佢嘅醬就非常之酸酸辣辣鳳爪好爽口彈牙 冇骨又可以食得好方便同朋友同樣叫咗泰式奶茶泰式奶茶本身係比較甜嘅 入口滑溜先上嘅係泰式牛魔王店家好貼心咁將啲炸蒜碎用匙羹裝住入邊有牛展牛肉牛丸牛柏葉豆卜白蘿蔔炸豬皮材料非常豐富而且非常之大碗面頭仲有好多芫荽 湯底係非常之龍尾嘅牛骨濃湯當河粉浸左落湯之後都染成深啡色炸豬皮唔會話好油 連埋啲麵一齊食 少少脆口非常之夾蘿蔔浸到入晒味 豆就亦都好索湯牛丸係彈牙嘅 牛柏葉亦都好爽口呢度嘅河粉係偏幼身 但就好索湯豐富嘅配料選擇又多 食完好滿足朋友叫咗夏日開胃之選慢煮牛柳濃湯船麵大大塊嘅牛柳 粉紅色嘅肉色咬落去非常之淋 又保持到牛肉汁十分之推介湯底同樣係牛肉濃湯 而且比牛魔王個湯係更加濃同樣配有
餐廳仲好歡迎顧客用消費券有齊晒電子貨幣嘅付款
如果唔介意早少少5:30之前入座
仲可以平啲 加送嘢飲添
雖然佢叫篤篤船麵但其實除咗麵之外亦都有飯食
睇完Menu之後就可以畫紙仔點餐
小食亦都價錢大眾化
非常之可以滿足眼闊肚窄嘅朋友
餐廳都座無虛席 好受街坊歡迎
先叫咗泰式酸辣無骨鳳爪
其實鳳爪本身都有少少酸味
再加埋佢嘅醬就非常之酸酸辣辣
鳳爪好爽口彈牙 冇骨又可以食得好方便
同朋友同樣叫咗泰式奶茶
泰式奶茶本身係比較甜嘅 入口滑溜
先上嘅係泰式牛魔王
店家好貼心咁將啲炸蒜碎用匙羹裝住
入邊有牛展牛肉牛丸牛柏葉豆卜白蘿蔔炸豬皮
材料非常豐富而且非常之大碗
面頭仲有好多芫荽 湯底係非常之龍尾嘅牛骨濃湯
當河粉浸左落湯之後都染成深啡色
炸豬皮唔會話好油 連埋啲麵一齊食 少少脆口非常之夾
蘿蔔浸到入晒味 豆就亦都好索湯
牛丸係彈牙嘅 牛柏葉亦都好爽口
呢度嘅河粉係偏幼身 但就好索湯
豐富嘅配料選擇又多 食完好滿足
朋友叫咗夏日開胃之選
慢煮牛柳濃湯船麵
大大塊嘅牛柳 粉紅色嘅肉色
咬落去非常之淋 又保持到牛肉汁
十分之推介
湯底同樣係牛肉濃湯 而且比牛魔王個湯係更加濃
同樣配有牛丸炸豬皮 而佢仲有粟米芯
配以金邊粉
朋友都話好好食食得好滿足
泰式鹹蛋木瓜沙律
顏色非常鮮艷 鹹蛋係有埋蛋白原隻切開左碎灑喺面
青木瓜沙律酸酸辣辣非常之清爽
加埋鹹蛋黃嘅鹹香
真係十分之開胃
其實呢度都有個二人餐 有飯有麵俾大家選擇
二人餐會更加抵食呢
Post
