泰Grill (怡和大廈)

Open Now

Now Closed

餐廳位於中環Base Hall內，主打多款正宗嘅泰國菜，平民價錢食到高質數又好味嘅菜式，絕對值得到訪～ 美食廣場環境闊落，裝潢優雅，晚上到訪都幾多客人食緊，有feel😃突然想食返經典嘅菠蘿炒飯，呢度特別少少，有埋海鮮！炒飯粒粒分明，乾身，香口，有鑊氣、配料滿滿，青口，蝦仁，肉鬆，提子乾，烤菠蘿，撈埋一齊食令到整體層次同味道更加豐富，性價比甚高，好好味😋另一款係泰式船麵，有豬牛雞可以選擇，湯底好深色，飲落清甜，唔會過鹹又唔會覺得口乾，雞肉份量比想像中多，嫩滑多汁，唔嚡口、麵條軟硬度適中，掛汁，美味，配上蔥等拌菜食到聽唔到口呀！個人好喜歡呢度嘅拼盤，未食已經流晒口水，因為個樣真係好吸引😍 全部外皮炸至金黃色，雞翼大大隻，外脆內嫩，蒜香牛油味突出、蝦餅同樣好大塊，要分幾次，咬落爽口彈牙、春捲餡料飽滿，有料到～ 小食同甜品都有幾款，私心推介蒜蓉包，法包酥脆，啖啖濃郁嘅蒜香味撲鼻而來～ 椰汁糕好精緻，款款形狀都唔一樣，淡粉紅色調，超級可愛，味道相對偏甜，椰汁味都出、芒果糯米飯係黑白拼！芒果鮮甜，糯米飯軟糯，搭配椰汁，真的愛了🥥