雞少去骨海南雞

Open Now

Now Closed

雞少去骨海南雞 • 北角喺北角搵到呢一間性價比極高嘅馬來西亞菜餐廳，主打海南雞，不過仍有好多其他選擇。個人感覺餐廳嘅食物價錢算幾抵，亦有細細份嘅小食，啱晒一個人去驚食唔晒，而且又想試唔同小食嘅人。😆✅ 招牌海南雞飯+細碗肉骨茶 🐔 $90雞肉符合標準咁嫩滑，斬件部位有齊雞胸雞髀同雞翼，雞皮帶少少彈性，肉香味濃，呢個套餐亦都加一碗肉骨茶，主要飲得出係當歸味，但藥材味唔係特別濃，反而因為加入香菇、雞腳等其他材料，味道比較特別😙✅ 炭燒豬頸肉飯 🐷 $63豬頸肉肉食落口非常嫩滑，火候掌握得幾好，附送酸酸辣辣嘅泰式酸辣汁，蘸醬食又開胃，又惹味。飯叫咗油飯，飯粒分明有油香，亦有淡淡香料味道，唔錯👍🏼✅ 泰式無骨鳳爪(半份) 🐔 $22鳳爪夠爽脆夠酸夠辣，啖啖滿足感爆棚😗✅ 吉列鳳尾蝦(3隻) 🦐 $22估唔到馬來西亞菜都有炸蝦，蝦身軟糯，外面炸得金黃酥脆，唔錯嘅小食推介。