牛車水海南雞專門店 (機利文新街)

Open Now

Now Closed

係中上環食野，頹頹地食隨時都要五六十蚊一餐，見呢間多人排隊等，個餐牌寫話32蚊有個海南雞飯，即管試下。門口等緊既人多數係買外賣，其實仲可以上一層堂食。堂食就係樓上一大枱人坐得迫迫咁食，裝修都算特別。唔想加錢買野飲，枱面有檸檬水俾你飲。個雞飯送上來賣相都唔錯，仲要係放係“木籃”碟上面，幾過癮。枱面有蒜蓉，泰式辣醬同醬油任你自己落係飯上面。味道真係唔錯，d雞幾滑。另外仲有送湯。32蚊有咁既質素真係抵啦！